Beyond Islands le Vanessa Daws. Ealaín don Phobal sna Sceirí, Co. Bhaile Átha Cliath. Grianghraf: Brian Cregan.
Straitéis agus cur chun feidhme
Faigh níos mó eolais – Straitéis agus cur chun feidhmeMaidir linne
Is í an Chomhairle Ealaíon an ghníomhaireacht rialtais náisiúnta atá freagrach as na healaíona in Éirinn a mhaoiniú, a fhorbairt agus a chur chun cinn.
Is é an ról atá againn ná tacú leis, infheistíocht a dhéanamh, agus obair i gcomhpháirt le heagraíochtaí eile, le timpeallacht ealaíon spleodrach a chruthú i gcroílár shochaí na hÉireann.
Compántas damhsa uile-oileánda fógartha leis na damhsóirí Vitor Barboza Da Silva agus Inez Berdychowska ar Dhumhach Trá. Grianghraf: Naoise Culhane.
Ár ngnó
Labhairt ar son
Soláthraímid tionscadail go gníomhach ina gcuirtear luach sna healaíona in Éirinn agus ina gcuirtear chun cinn iad, agus coimisiúnaímid agus foilsímid taighde agus faisnéis sna healaíona.
Comhairle a chur
Múnlaítear an beartas ealaíon lenár saothar leis an rialtas agus leis na comhlachtaí eile stáit.
Infheistíocht
Infheistímid airgead poiblí sna healaíona in Éirinn. Tugaimid maoiniú agus réimse tacaíochtaí d’ealaíontóirí agus eagraíochtaí ealaíon.
Comhpháirtí
Comhoibrímid le cleachtóirí ealaíon agus eagraíochtaí ealaíne chun tírdhreach cultúrtha na hÉireann a shaothrú agus a chur chun cinn.
Ár ndaoine
Is comhlacht deonach í an Chomhairle Ealaíon ar a bhfuil 12 chomhalta agus cathaoirleach. Is é an tAire Turasóireachta, Cultúir, Ealaíon, Gaeltachta, Spóirt agus Meán a cheapann na comhaltaí. Is é an bord a mhaoirsíonn ár dtreo straitéiseach.
Is foireann dhiongbháilte ildánach í ár bhfoireann feidhmiúcháin, faoi cheannas an Stiúrthóra Maureen Kennelly, a bhfuil dúil mhór acu sna healaíona.
Oíche Chultúir Charraig Uí Leighin. Grianghraf: Peter O’Toole.
Ár luachanna
Treoraíonn luachanna eagraíochtúla sinn inár saothar:
- Saoirse smaointeoireachta agus tuairimíochta
- Tiomantas do shármhaitheas
- Ionracas, cuntasacht, agus trédhearcacht
- Meas ar éagsúlacht
- Comhghleacaíocht
Baill foirne na Comhairle Ealaíon ag Bród Bhaile Átha Cliath 2023
Ár straitéis agus beartais
Lenár dtosaíochtaí agus beartais straitéiseacha cuirtear luach sna healaíona agus ina ról ríthábhachtach ar fud gach pobail in Éirinn.
Creidimid i gcultúr ionchuimsitheach agus éagsúil, inar féidir le gach duine páirt a ghlacadh ann agus taitneamh a bhaint as na healaíona. Tacaíonn réimse beartas agus pleananna le healaíontóirí éirimiúla agus uaillmhianacha saothar den scoth a dhéanamh.
Rialachas
Táimid diongbháilte chun na caighdeáin rialachais chorparáidigh is airde a fheidhmiú. Is lenár gCreat Cóid Rialachais a threoraítear an chaoi a bhfeidhmíonn ár mbord.
Miontuairiscí an Bhoird agus Tuarascálacha Bliantúla
Is gníomhaireacht phoiblí í an Chomhairle Ealaíon atá geallta don chinnteoireacht thrédhearcach.
Léigh na miontuairiscí ar chruinnithe iomlánacha míosúla an Bhoird agus déan cíoradh ar na hathruithe sna healaíona in Éirinn ón mbliain 1951 i leith trí mheán ár dTuarascálacha Bliantúla.
Museum of the Moon, Féile Lárshamhraidh Chorcaí. Grianghraf: Jed Niezgoda.
Ár mbunús agus cartlann
Bunaíodh thiar in 1951 í de thoradh imní an rialtais go raibh na healaíona ag fulaingt de bharr neamairt, agus tá tacaíocht tugtha ag an gComhairle Ealaíon do na healaíona le teann mórtais le hos cionn seachtó bliain anuas.
Leanaimid orainn ag cinntiú go bhfanfaidh na healaíona ag croílár shaol, chultúr agus oidhreacht na hÉireann.
Richard Gorman, ‘Small Kitchen 1987’. Ola ar chlár, 65 x 62.5cm. Bailiúchán na Comhairle Ealaíon.
Pleanáil
Is Comhlacht Forordaithe í An Chomhairle Ealaíon sa phróiseas pleanála, agus ba cheart don Údarás Pleanála fógra a thabhairt di faoi imthosca áirithe.
Ag tabhairt cuairt ar Champas Ealaíontóirí Chalafort Bhaile Átha Cliath.
An mian leat dul i bpáirt lenár bhfoireann ag an gComhairle Ealaíon?
Is foireann sinn a chreideann i gcumhacht spleodrach chlaochlaitheach na n-ealaíon. Cuirimid chun cinn an chruthaitheacht, an léiriú cultúrtha agus an sármhaitheas ealaíne.
Tairgimid deiseanna gairmréime fiúntacha thar réimse éagsúil disciplíní.
Deiseanna reatha
Níl aon fholúntas ann faoi láthair.