Conas a bheith i do Scoil Ildánach
Aistear spreagúil fuinniúil é aistear na Scoileanna Ildánacha. Aistear treoraithe dhá bhliain is ea é ina ndéantar Plean Scoileanna Ildánacha — a bhaineann le do scoilse amháin — a fhorbairt agus a chur i bhfeidhm.
Tá rannpháirtíocht leanaí agus daoine óga sa phleanáil, sa chinnteoireacht agus sa mhachnamh an-tábhachtach go deo.
Oiliúint na gComhlach Cruthaitheach 2023. Grianghraf: Mark Stedman.
Ag Tosú
I dtús báire, caithfidh do scoil clárú le córas sheirbhísí ar líne na Comhairle Ealaíon agus iarratas a chur isteach.
Baineann trí chéim leis an gclár ina dhiaidh sin:
- An tábhacht atá ag an gcruthaitheacht i do phobal scoile a fhiosrú agus a chur in iúl.
- An Plean Scoileanna Ildánacha atá curtha in oiriúint do do scoil/ionad a fhorbairt.
- Do Phlean Scoileanna Ildánacha a chur i bhfeidhm!
Cuirimid pacáiste tacaíochtaí ar fáil:
- Comhlach Cruthaitheach a oibreoidh le do scoil ar feadh suas le naoi lá sa bhliain thar dhá bhliain.
- Deontas €4,000 faoi choinne gníomhaíochtaí thar dhá bhliain.
- Oiliúint don Chomhordaitheoir Scoile (múinteoir).
- Líonrú agus rannpháirtíocht i dtionscnaimh náisiúnta, dála Fuadar Feabhra.
- Costais maidir le rochtain do dhaoine faoi mhíchumas: tá rún daingean ag an gComhairle Ealaíon ár gcláir mhaoinithe, agus an obair a mhaoinímid, a dhéanamh inrochtana do chách. Cuirimid costais rochtana ar fáil agus d’fhéadfaí a áireamh orthu siúd costais rochtana pearsanta agus costais as saothar Scoileanna Ildánacha do scoile a dhéanamh inrochtana do gach duine a ghlacann páirt ann.
Níos mó eolais?
- Léigh Seisiún Eolais na Scoileanna Ildánacha i mBéarla agus i nGaeilge.
- Amharc ar ár rannán ina dtugtar cúnamh agus treoir faoi chúrsaí maoinithe más maith leat níos mó eolais a fháil faoin bpróiseas iarratais.
- Féach ar ár rannán ina dtugtar acmhainní Scoileanna Ildánacha. Is cinnte go dtabharfaidh sé treoir agus spreagadh duit i rith phróiseas na cruthaitheachta.
Grianghrafadóireacht Choláiste Chiaráin.