Conas achomharc a dhéanamh i gcoinne cinnidh maoinithe

Is féidir leat achomharc a dhéanamh i gcoinne cinnidh maoinithe más rud é go gceapann tú:

nár chloíomar lenár nósanna imeachta foilsithe don riarachán agus measúnú
nár chuireamar i bhfeidhm ár nósanna imeachta foilsithe don riarachán agus measúnú

Ní mór duit a bheith in ann na cúiseanna le d’achomharc a thaispeáint dúinn.

Tá ár scéimeanna maoinithe thar a bheith iomaíoch; ar an meán, is é an seans go maoineofar ná iarratas as gach trí iarratas.

Tá na céimeanna chun cinneadh a cheistiú nó achomharc a dhéanamh mar a leanas:

Ba chóir duit teagmháil a dhéanamh linn ar dtús chun do cheist a phlé.
Tar éis duit teagmháil a dhéanamh linn, más mian leat achomharc a dhéanamh i gcoinne an chinnidh go fóill, scríobh chuig Stiúrthóir na Comhairle Ealaíon le do thoil. Ní mór duit é sin a dhéanamh laistigh de cheithre seachtaine ón lá ar cuireadh an cinneadh faoin maoiniú in iúl duit, agus ní mór na cúiseanna ar leith a chur in iúl nó fianaise chun tacú le d’achomharc a chur ar fáil.
Déanann foireann shinsearach agus comhaltaí boird na Comhairle Ealaíon athbhreithniú ar an achomharc laistigh de thrí seachtaine on lá a bhfuair siad d’iarratas. Cuirtear a gconclúidí agus moltaí isteach chuig bord na Comhairle Ealaíon dá gcéad chruinniú iomlánach eile.
Ansin déanann bord na Comhairle Ealaíon cinneadh maidir leis an achomharc. Tá an cinneadh sin críochnaitheach.
Cuirfimid ar an eolas faoin gcinneadh thú laistigh de sheacht lá oibre ón gcruinniú iomlánach.

Le haghaidh ceisteanna a bhaineann le hachomhairc, ba cheart teagmháil a dhéanamh linn ag:

Ríomhphost: appealsandcomplaints@artscouncil.ie

Teil.: + 353 1 618 02 00

Achomhairc agus gearáin
70 Cearnóg Mhuirfean
Baile Átha Cliath 2
D02 NY52