D’iarratas a ullmhú
A luaithe a bheidh na céimeanna sa chuid Sula nDéanfaidh Tú Iarratas curtha i gcrích agat, beidh sé in am d’iarratas a ullmhú.
Ní mór duit an fhoirm iarratais a chomhlánú don scéim maoinithe ar a bhfuil iarratas á dhéanamh agat. Beidh ort doiciméid tacaíochta agus naisc URL a ullmhú freisin a bheidh ábhartha do d’iarratas.
Bris an próiseas iarratais ina chéimeanna
1. Déan an fhoirm iarratais a íoslódáil
Le tosú ar d’iarratas a ullmhú, beidh ort an fhoirm iarratais cheart a fháil.
Logáil isteach ar ár dtairseach mhaoinithe, Seirbhísí ar Líne.
Roghnaigh an táb ‘M’iarratais’ agus ansin cliceáil ar ‘Déan iarratas’.
Beidh ort a dheimhniú go bhfuil do shonraí cothrom le dáta ar ár gcóras agus ansin an scéim mhaoinithe ábhartha a roghnú ón roghchlár anuas.
Feicfidh tú ansin rogha chun ‘Íoslódáil an fhoirm iarratais’.
2. An fhoirm iarratais a oscailt i gclár comhoiriúnach
Ní foláir duit leagan deisce de Microsoft Word nó OpenOffice Writer a úsáid leis an bhfoirm iarratais a chomhlánú.
Má tá gléas Mac á úsáid agat leis an bhfoirm iarratais a chomhlánú ar OpenOffice Writer, beidh ort leagan sonrach den ríomhchlár a úsáid. Braithfidh an leagan den ríomhchlár is gá duit a úsáid ar do chóras oibriúcháin (OS).
3. Comhlánaigh an fhoirm iarratais
Tá codanna áirithe den fhoirm iarratais roghnach, ach tá codanna eile éigeantach.
Ní mór duit gach cuid éigeantach den fhoirm iarratais a chomhlánú. Mura ndéanann tú amhlaidh, beidh d’iarratas neamh-incháilithe agus ní féidir linn é a mheasúnú.
Tá treoir i ngach cuid den fhoirm iarratais chun cabhrú leat a fháil amach an méid atá le cur san áireamh.
Tabhair neart ama duit féin gach rannóg a chomhlánú chun cuidiú le hearráidí a sheachaint.
Tá formáid speisialta ag an iarratas ionas gur féidir linn faisnéis a bhaint uaidh le measúnú a dhéanamh uirthi.
Tá sé fíorthábhachtach go ndéanann tú na nithe seo a leanas:
- Clóscríobh taobh istigh de na boscaí liatha san fhoirm
- Ná léirscrios na boscaí liatha nó clóscríobh lasmuigh díobh
Mura gcloíonn tú leis an gcomhairle seo, ní uaslódálfar d’fhoirm iarratais chuig ár dtairseach mhaoinithe.
4. Ullmhaigh do dhoiciméid tacaíochta
Ní mór duit doiciméid tacaíochta a áireamh le d’iarratas i dteannta d’fhoirme iarratais.
Is cuidiú atá sna doiciméid sin don duine a bhfuil measúnú á dhéanamh aige ar d’iarratas le tuiscint shoiléir a fháil ar do thogra.
Lena fháil amach na doiciméid tacaíochta nach foláir duit a chur isteach, féach ar na treoirlínte don scéim mhaoinithe ar a bhfuil iarratas á dhéanamh agat.
Ní ghlacfaimid ach leis na doiciméid tacaíochta a uaslódálann tú i bhformáid leictreonach chuig tairseach maoinithe Seirbhísí ar Líne.
Má tá doiciméid agat nach bhfuil i bhformáid leictreonach, ba cheart duit iad a scanadh agus a shábháil le go mbeidh tú in ann iad a uaslódáil.
Ba cheart duit do dhoiciméid tacaíochta go léir a chur isteach i gcomhaid ar leithligh.
5. Ullmhaigh do uaslódála nó naisc URL
Le samplaí de do chuid saothair a sholáthar dúinn, is féidir leat ceachtar de na bearta a leanas a dhéanamh:
- Iad a uaslódáil go díreach chuig Seirbhísí Ar Líne, má tá an méid comhaid comhcheangailte níos lú ná 40 meigeavata.
- Naisc URL a úsáid (na seoltaí iomlána ina bhfuil d’ábhar óstáilte) chuig ardáin sruthaithe.
Réidh le d’iarratas a chur isteach?
Nuair a bheidh d’fhoirm iarratais comhlánaithe agat agus do dhoiciméid tacaíochta bailithe agat, beidh sé in am d’iarratas a chur isteach.